កងទ័ពអ៊ីរ៉ាក់និងសម្ព័នមិត្តត្រៀមប្រយុទ្ឋដំណ្តើមយកក្រុងរ៉ាម៉ាឌីមកវិញ
RAMADI, Irag, May 18: ប្រភពសន្តិពីមន្រ្តីសន្តិសុខមួយរូបនៅក្នុងខេត្តអានបាបាននិយាយថា កងកម្លាំងសន្តិសុខអ៊ីរ៉ាក់និងពួកសម្ព័ន្ធមិត្តកងជីវពលនិកាយស៊ីអ៊ីតនិងស៊ុននី កាលពីថ្ងៃចន្ទនេះ បានកសាងឡើងវិញនូវមូលដ្ឋានយោធាមួយនៅក្នុងខេត្តអាន់បាភាគខាងលិចរបស់ប្រទេសអ៊ីរ៉ាក់ ដោយពួកគេបានត្រៀមរៀបចំឱ្យមានការវាយលុកប្រឆាំងដ៏សំខាន់មួយ ដណ្តើមយករដ្ឋធានីរ៉ាម៉ាឌីមកវិញដែលក្រុងនេះ បានធ្លាក់នៅក្នុងកណ្តាប់ដៃរបស់ក្រុមសកុំម្មប្រយុទ្ឋរដ្ឋអ៊ិស្លាម បន្ទាប់ពីមានការប្រយុទ្ធគ្នាដ៏សាហាវពួកសកម្មប្រយុទ្ធនៅក្នុងពេលប៉ុន្មានថ្ងៃកន្លងមកនេះ។
ប្រភពមួយបានប្រាប់ស៊ីនហួជាអនាមិកថា ប្រធានប៉ូលិសសហព័ន្ធនិងជាមេបញ្ជាការពួកកងជីវពលស៊ីអ៊ីតឈ្មោះ Hashd Shaabiឬ Popular Mobilizationបានបញ្ជាក់ថា កងកម្លាំងត្រូវបាន ពង្រឹងដោយពួកគេគឺត្រូវបានបញ្ជូនមកពីរដ្ឋធានីបាកដាដប្រទេសអ៊ីរ៉ាក់និងតាមខេត្តផ្សេងទៀតដើម្បីទៅចូលរួមនៅមូលដ្ឋានយោធាទ័ពអាកាសដ៏ធំ Habbaniyah មានចំងាយប្រមាណជា 80 គីឡូម៉ែត្រភាគខាងលិចទីក្រុងបាដាដ ។
ប្រភពបាននិយាយថា រថពាសដែកនិងរថក្រោះជាច្រើនគ្រឿងត្រូវបានគេឃើញនៅក្នុងធ្វើដំណើរឆ្ពោះទៅមូលដ្ឋានHabbaniyah ខណៈពេលដែលមួយចំនួនទៀតជារបស់មេដឹកនាំកងជីវពលនិកាយស៊ីអ៊ីតរួម ទាំងរថពាសដែកនិងរថក្រោះរបស់លោក Hashd Shaabi Hadi Al-Amery បានមកដល់មូលដ្ឋាននេះចាប់តាំងពីថ្ងៃអាទិត្យដោយ រៀបជាបន្ទាត់វែងជាមួយនឹងរថយន្តដឹកកាំភ្លើងធុនធ្ងន់និងគ្រាប់រ៉ុក្កែត ដោយដាក់ទង់ជាតិសំគាល់ក្រុម ផ្សេងៗគ្នា ជាមួយនឹងទង់ជាតិរបស់ប្រទេសអ៊ីរ៉ាក់ផងដែរ ។
កងកម្លាំងកាន់តែច្រើនពីពួកកងជីវពលស៊ីអ៊ីតបានត្រូវបញ្ជូនឆ្ពោះទៅកាន់ទីក្រុងGarma នៅភាគខាងកើតក្រុងFallujah ដែលមានទីតាំងស្ថិតចំងាយប្រមាណជា50 គីឡូម៉ែត្រភាគខាងលិចទីក្រុងបាដាដនិងបានបោះទីតាំងនៅជិតទីក្រុងនេះ ដោយបានរៀបចំឱ្យមានការប្រយុទ្ធគ្នាដ៏សាហាវដើម្បីរំដោះក្រុងរ៉ាម៉ាឌីពីពួកសកម្មប្រយុទ្ឋមកវិញ។
សូមជំរាបជូនថា កាលពីថ្ងៃអាទិត្យនេះ ពួកសកម្មប្រយុទ្ធ IS បានកាន់កាប់ទីក្រុងរ៉ាម៉ាឌីពេញលេញ បន្ទាប់ពីកងកម្លាំងសន្តិសុខអ៊ីរ៉ាក់បានដកចេញពីទីតាំងឈរជើងរបស់ខ្លួននៅក្នុងទីស្នាក់ការកណ្តាលនៃកងពលតូចទី 8 និងបញ្ជាការដ្ឋានប្រតិបត្ដិខេត្តរួចមក៕ម៉ែន ឥទ្ឋិពល
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!
