ធនាគារBRICS បង្កើតឡើងដើម្បីបំពេញយន្តការហិរញ្ញវត្ថុសកល
BEIJING, May 19: ធនាគារអភិវឌ្ឍន៍ BRICS ត្រូវបានគេរំពឹងថានឹងចាប់ផ្តើមប្រតិបត្តិការនៅចុងឆ្នាំនេះហើយវានឹងដើរតួនាទីបំពេញបន្ថែមលើយន្តការហិរញ្ញវត្ថុសកលដែលមានស្រាប់។
ធនាគារនេះត្រូវបានគេស្គាល់ថាជាធនាគារអភិវឌ្ឍន៍ថ្មី New Development Bank (NDB) ត្រូវបានស្នើឡើងក្នុងឆ្នាំ 2012 ដែលត្រូវបានគាំទ្រដោយប្រទេសដែលមានសេដ្ឋកិច្ចកំពុងអភិវឌ្ឍខ្លាំងនៅទូទាំងពិភពលោក មួយចំនួនមានដូចជា ប្រទេសប្រេស៊ីល រុស្ស៊ី ឥណ្ឌា ចិននិងអាហ្វ្រិកខាងត្បូង។ ទីស្នាក់ការកណ្តាលរបស់ NDB គឺ នៅទីក្រុងសៀងហៃប្រទេសចិនដែលបានបង្កើតឡើងកាលពីឆ្នាំ២០១០ រួមជាមួយនឹងការរៀបចំប្រាក់បម្រុង ចំនួន១០០ពាន់លានដុល្លារសហររដ្ឋអាមេរិក ដើម្បីជួយប្រទេស ដែលកំពុងតែអភិវឌ្ឍ ដែលរងនូវការដាក់សម្ពាធសាច់ប្រាក់រយៈពេលខ្លីហើយធនាគារថ្មីនេះ ត្រូវបានគេរំពឹងថា នឹងពង្រឹងសំណាញ់សុវត្ថិភាពហិរញ្ញវត្ថុសកល។
លោក ស៊ីយ៉ាវពីន អនុរដ្ឋមន្រ្តីក្រសួងហិរញ្ញវត្ថុរបស់ប្រទេសចិនបានថ្លែងថា ធនាគារនេះនឹងមានផលល្អយ៉ាងខ្លាំងចំពោះការសាងសង់ហេដ្ឋារចនាសម្ព័ន្ធនិងនិរន្តរភាពនៅក្នុងទីផ្សារថ្មីនិងបណ្តាប្រទេសដែលកំពុងអភិវឌ្ឍ។លោកស៊ីបាននិយាយថា NDB អាចនឹងជួយបង្កើនសមត្ថភាព ផ្តល់ហិរញ្ញវត្ថុអន្ដរជាតិនិងជួយសម្រួលដល់កំណើនសេដ្ឋកិច្ចពិភពលោកជាពិសេសប្រទេសកំពុងអភិវឌ្ឍន៍។
ធនាគារពិភពលោកបានប៉ាន់ប្រមាណថាតំបន់អាស៊ីខាងត្បូង ត្រូវការប្រាក់ប្រហែលជា 250 ពាន់លានដុល្លារអាម៉េរិកក្នុងមួយឆ្នាំដើម្បីបំពេញការខ្វះខាតក្នុងវិស័យហេដ្ឋារចនាសម្ព័ន្ធក្នុងរយៈពេល 10 ឆ្នាំខាងមុខខណៈពេលដែលតំបន់អាស៊ីបូព៌ាវិញត្រូវការប្រហែល 600 ពាន់លានដុល្លារអាម៉េរិកក្នុងមួយឆ្នាំ។
លោក Huang Jianhui អ្នកស្រាវជ្រាវជាន់ខ្ពស់នៅធនាគារ Minsheng ប្រទេសចិនបាននិយាយថា "ការផ្តល់ជូនពិសេសរបស់ NDB ជាការផ្តល់ហិរញ្ញប្បទាន ថ្មី ហើយអាចជំរុញស្ថាប័នហិរញ្ញវត្ថុអន្ដរជាតិដទៃទៀតដើម្បីធ្វើការងារនេះ បន្ថែមទៀតដើម្បីដោះស្រាយការព្រួយបារម្ភរបស់ប្រទេសដែលមានសេដ្ឋកិច្ចលូតលាស់យ៉ាងឆាប់រហ័សនេះ។ បើយោងតាមលោកស៊ីថា ទន្ទឹមនឹងនេះដែរ NDB នឹងទទួលស្វាគមន៍សមាជិកថ្មីយ៉ាងឆាប់រហ័ស ដើម្បីបញ្ចូលបន្ថែមទៅជាសមាជិកស្ថាបនិករបស់ខ្លួន ៕ម៉ែន ឥទ្ឋិពល
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!